Хаартыска: СИА.
Саха сирин олохтоохторо анал байыаннай дьайыы байыастарыгар анаан, доруоп сааларын туттарыахтарын сөп. «Росгвардия» управлениета иһитиннэрбитинэн, сааны тутуу туох да хааччаҕа, ыстарааба суох оҥоһуллар.
Холобур, лицензия болдьоҕо ааспытынан ыстараап көрүллүөн сөп этэ. Сааны туттарар буоллахха, бу ыстараап төлөммөт. Пааспардаах уонна көҥүллээх (РОХа) отделга кэлиэххэ наада.
Саалары кулун тутар 17-21 күннэригэр «Росгвардия» лицензионнай-көҥүллүүр отделыгар (Дьокуускай к., Дзержинскэй уул. 35/1) кэлэн, туттарыахха сөп.
Биллэрин курдук, анал байыаннай дьайыыга саамай улахан хоромньуну, кутталы дроннар аҕалаллар, кинилэр туох да мэһэйэ суох көтө сылдьан, кыранааталары, буомбалары быраҕаллар, ким ханна баарын кэпсээн, көрдөрөн биэрэллэр. Көннөрү буулдьанан дрону табар уустук. «Антидрон» саалар бааллар эрээри, ахсааннара аҕыйах. Аны өстөөхтөр Оҥоһуу өйү, оптоволоконнай дроннары күүскэ туһанар буоланнар, мэһэйдэри үөскэтэллэр.
Оттон доруоп саанан боростуойдук тоҕо ытан түһэриэххэ сөп. Сахалар доруоп саанан кустуу үөрүйэх буолан, сүүһүнэн дрону сууллараллар. Ол эрээри, сэриигэ доруоп саа эмиэ аҕыйах.
Бу байыаннай дьайыыга байыастар олохторун көмүскүүргэ доруоп саа улахан суолталанна. Саалары 25573 нүөмэрдээх Уһук Илиннээҕи байыаннай чаас тутар, онно элбэх саха байыастара бааллар.
Саха сирин байыастара доруоп саанан ытан, дроннары суулларарга үөрэтэр былаһаакканы тэрийбиттэрэ. Сүүстэн тахса байыаһы үөрэппиттэрэ. Маннык тактика көдьүүстээҕэ көстүбүтэ.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…