ДПС массыынатын көлүөһэтин хайа соппут эр киһи сууттанна

Быйыл сайын итирик туруктаах сылдьыбыт эр киһи күлүгээнниир сыалтан суолга патруллуур сулууспа “УАЗ Патриот” массыынатын түөрт көлүөһэтин барытын быһаҕынан хайа анньыбыт.

Суут кэмигэр  кини буруйун билиммит, буруйдааһыны кытта сөпсөспүт. Эр киһи “Центр хозяйственного и сервисного обеспечения МВД по Республике Саха (Якутия)” ФКУ-га таһаарбыт  36 926 солк. 40 к. кэмэйдээх хоромньутун толору төлөөбүтүн туһунан эппит.

Суут процессуальанй сокуоннас ирдэбилин тутуһууну учуоттаан, суукка ураты бэрээдэгинэн бириигэбэри таһаарар туһунан сууттанар киһи хадатаайыстыбатын кытта сөпсөспүт.

Сууттанааччы киһи РФ УК 167 ыст. 2 ч. көрүллүбүт буруйу оҥорууга буруйдааҕынан билилиннэ  уонна киниэхэ усулуобунайдык, көҥүлүн 6 ыйга быһарга быһаарылынна, 6 ый тургутар болдьохтоох, бу кэм устата кини көннөрүммүтүн дакаастыахтаах.

Суут бириигэбэрэ күүһүгэр киирэ илик.

СӨ Сууттарын холбоһуктаах пресс-сулууспата