ДПС үлэһитин массыынатынан соспут киһи сууттанна

Мэҥэ Хаҥалас улууһун 29 саастаах олохтооҕор суут бириигэбэрэ таҕыста. Кинини РФ Холуобунай кодексын 318 ыст. 1 ч. буруйдааҕынан билиннилэр уонна 120 тыһ.солк. ыстараабы төлүүргэ анаатылар диэн СӨ Сууттарын пресс-сулууспата суруйар.

2024 сыл алтынньытыгар Аллараа Бэстээх бөһүөлэгэр бу эр киһи итирик туруктаах сылдьан ДПС үлэһиттэригэр түбэспэт , административнай накаастабылтан куотар сыаллаах массыынатынан саһа сатаабыт. Шлагбаумҥа кэлэн иҥнибит. ДПС старшай инспектора массыынаттан кэлэн күлүүһү ыла сатаабытыгар, бу киһи акселераторын педалын баттаабыт. Массыына миэстэтиттэн эмискэ хамсаабыт, онуоха массыынаттан тутуһа сылдьыбыт ДПС үлэһитэ суолга соһуллубут. Суоппар быраабы утары дьайыыларынан инспекторга эт-сиин ыарыытын аҕалбыт.

Суукка сууттанааччы буруйун толору билиммит.