Дроннар детектордарын уонна атын прибордарын саҥа моделларын тиэрдиэхтэрэ

Прибордары тиэрдэр туһунан Саха сирин Суһал ыстаабын иһинэн эспиэртэр сэбиэттэрэ быһаарбыта.

Ол туһунан бүгүн СӨ гражданскай оборуона дьыалаларыгар уонна олоххо-дьаһахха куттал суох буолуутун хааччыйыыга миниистирэ Дмитрий Лепчиков иһитиннэрдэ.

Кини этэринэн, радиоэлектроннай киһи туһанар уонна массыына прибордарын, дроннары хабар детектордары, ону тэҥэ пилота суох аппарааттары салайыы систиэмэтин саҥа моделларын туһунан этиллэр.

“Бу нэдиэлэҕэ өрөспүүбүлүкэттэн байыаннай дьайыы зонатыгар гуманитарнай таһаҕастаах массыына тиэхиньикэтэ уонна аадырыстаах баһыылка быйылгы сылга тиһэх партията ыытыллар”, — диэтэ миниистир.

Дмитрий Лепчиков “Патриотическай” ТОР федеральнай бырагырааматынан бу сыл бүтүөр диэри “Якт-Сокол” квадроцикллар уонна “Тимир Ат” электроматасыыкыллар ааармыйаҕа тиэрдиллиэхтэрэ диэн чопчулаата.

Байыаннай дьайыы кыттыылаахтарын эбии хааччыйыы ыытылларын туһунан чопчуланна.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата