Дроннары көтүтүүгэ бастакы чөмпүйэнээт ыытыллыаҕа

Дьокуускайга бэс ыйын 11 күнүгэр “Туймаада” стадиоҥҥа “Вверх” диэн дроннары көтүтүүгэ бастакы аһаҕас чөмпүйэнээт буолуоҕа.

Чөмпүйэнээккэ дрон-рейсиҥҥэ, драг-рейсиҥҥэ, дроннары хомуйууга-ыһыыга күрэхтэһиилэр ыытыллыахтара. Ону тэҥэ, Саха сирин кэрэ айылҕатын үөһэттэн квадрокоптерынан түһэрбит роликтары сыаналыахтара.

Манна 13-тэн үөһэ саастаах ким баҕарар кыттар кыахтаах. Сайаапкалары бэс ыйын 8 күнүгэр диэри upyakutia@mail.ru  электроннай буостаҕа ыытыаххытын сөп. Билсэр төлөпүөн: +7 924 172-02-52.

Чөмпүйэнээти Идэни урутаан бэлэмниир киин (ЦОПП) уонна “Вверх” оҕо инновационнай киинэ үөрэх министиэристибэтин өйөбүлүнэн тэрийэллэр диэн СИА суруйар.