Хаартыска: minobrnauki.sakha.gov.ru саайтыттан.
Кулун тутар 27 күнүгэр, “Пилота суох көтүтэр авиационнай систиэмэлэр” саҥа национальнай бырайыагы Саха сиригэр олоххо киллэрэр 17 оскуолаттан биирдэстэрин, Дьокуускай куораттааҕы Н.И. Шарин аатынан 39-с нүөмэрдээх оскуола былаһааккатыгар, үөрэнээччилэр уонна устудьуоннар ортолоругар дроннары сырыһыннарыыга (пилота суох көтөр суудуналар) Үөрэх уонна билим министиэристибэтин бастакы Кубога буолан ааста. Күрэхтэһии икки дьиссиппилиинэнэн барда. Бэйэлэрин хамаандаларын 9 оскуола уонна 7 үрдүк үөрэх, кэллиэс, тиэхиньикум туруордулар.
Улахан куоталаһыы оҕолорго биирдиилээн күрэхтэһиигэ дроннар куоталаһыыларын тиэхиньиичэскэй стимулятордара дьиссиппилиинэҕэ буолла. Иккитэ төхтүрүйэн куоталаһыы түмүгүнэн үстүү баалы Үөһээ Бүлүүтээҕи М.А. Алексеев аатынан өрөспүүбүлүкэтээҕи лиссиэй-интэринээт үөрэнээччилэрэ Егоров Артемий уонна Алексеев Петр, сэттэлии баалы Бэрдьигэстээх орто оскуолатын А.Осипов аатынан оскуола үөрэнээччитэ Николаев Эрсан уонна Арктика оскуолатыттан Федоров Айсен ыллылар.
Эбии көтүтүү түмүгүнэн оскуола үөрэнээччилэригэр кыайыылааҕынан Федоров Айсен буолла. Иккис миэстэни Николаев Эрсан, үсүһү Егоров Артемий ыллылар.
Бу дьиссиппилиинэҕэ устудьуоннарга үһүс миэстэ иһин улахан киирсии буолла. Иккитэ төхтөрүйэн куоталаһыы кэннэ иккилии баалы М.К. Аммосов аатынан Хотугулуу-Илиҥҥи федеральнай университет устудьуона Колмогоров Айсиэн уонна П.И. Дудкин аатынан Дьокуускайдааҕы сибээс уонна информационнай технологиялар кэллиэһин устудьуона Каженкин Леонид ситистилэр. Эбии түһүмэх кэнниттэн үһүс миэстэни Каженкин Леонид ылары ситистэ. Иккис миэстэҕэ Фазульзянов Эрсан, кыайыылааҕынан Колтовской Кирилл буоллулар. Ити курдук тустаах дьиссиппилиинэҕэ устудьуоннарга бары бириистээх миэстэни П.И. Дудкин аатынан Дьокуускайдааҕы сибээс уонна информационнай технологиялар кэллиэһин устудьуоннара үллэһиннилэр. Бу туһунан Саха сиринээҕи дроннары куоталаһыннарыы федерацията сырдатар. Салгыы манна ааҕыҥ.
Ыам ыйын 15 күнүн сарсыарда 6 чаастааҕы бэлиэтээһининэн, Дьокуускай аннынан муус миэстэтигэр хамсаата. Суукка иһигэр…
Булуҥ улууһугар сир хамсааһына буолла. РНА Геофизическэй сулууспатыттан СИА иһитиннэрбиттэринэн, ыам ыйын 15 күнүгэр олохтоох бириэмэнэн…
Урут грампластинка диэн баар буолара. Ырыа арааһын холбоон истэрбит. Биһиги көлүөнэ оҕо эрдэхтэн эдэр сааспыт…
Бэҕэһээ Бүлүү өрүскэ муус харан, уу таһыма үрдээн ыксаллаах быһыы-майгы эрэсиимэ олохтоммута. Харыы тахсыбыт сиринэн…
Ыам ыйын 13 - 19 күннэригэр өрөспүүбүлүкэҕэ түмэллэр нэдиэлэлэрэ саҕаланна. Бу түмэллэр аан дойдутааҕы күннэрин…
Горнай улууһугар Атамай ыччата дойдуларын сайыннарарга сүҥкэн кылааттарын киллэрсэллэр. Олохтоох дьаһалта үлэһитэ Айсен Егорович Павлов…