Хаартыска: Сахагов.ру
Сэтинньи 13 күнүгэр, Саха сиригэр инновация күнүгэр, «Салгынынан туоратыы» бырайыак иккис түһүмэҕэ үлэлээтэ. Бу бырайыак чэрчитинэн, Дьокуускайтан Аллараа Бэстээххэ диэри таһаҕаһы дрон көмөтүнэн көтүтэн, илдьэллэр-аҕалаллар.
Бастакы түһүмэх от ыйын ортотуттан атырдьах ыйын 10 күнүгэр диэри барбыта, дроннар Өлүөнэ өрүһү туораан, 600 киилэ кэриҥэ таһаҕаһы ситиһиилээхтик таспыттара. Оператордар күҥҥэ уонча рейси оҥороллоро. Дрон биир кэмҥэ 10 киилэҕэ диэри таһаҕаһы илдьэр кыахтаах уонна хас биирдии көтүүтэ 15 мүнүүтэ устата барар.
Бырайыак иккис түһүмэҕэ биир саамай уустук кэмҥэ — өрүс суола сабыллан турар уонна -30 кыраадыска тиийэ тымныы түһэр кэмигэр ыытыллыаҕа. Киилэтин 500 солкуобайга илдьэр өҥөнү нэһилиэнньэҕэ оҥороллор, ыксаллаах кэмҥэ бу олус табыгастаах.
«Дроннары туһаныы нэһилиэнньэлээх пууннар икки ардыларыгар быстах сибээһи хааччыйыыга табыгастаах быһаарыы буолуоҕа. Бу таһаҕаһы тиэрдии бириэмэтин 2-3 төгүл кылгатыаҕа уонна атын маршруттары кытта тэҥнээтэххэ, логистика ороскуотун кыччатыаҕа», — диэн бэлиэтиир бырабыыталыстыба бэрэссэдээтэлин солбуйааччы Анатолий Семенов.
Сүрүн тэрийээччилэринэн «Якутия» технопаарка, Ньиэп уонна гаас логистикатын оператора, «Бунтарь» IT-хампаанньа буолаллар. Саха сирэ дроннарынан таһаҕаһы тиэйэр бастакы эрэгийиэнинэн буолла.
Сэтинньи 13 күнүгэр Саха Өрөспүүбүлүкэтин Бочуоттаах гражданина, биллиилээх судаарыстыбаннай уонна уопсастыбаннай диэйэтэл Егор Михайлович Ларионов…
Бүгүн, сэтинньи 14 күнүгэр, Анемподист Иванович Софронов-Алампа төрөөбүтэ 139 сыла бэлиэтэнэр. Үгэс курдук Таатта улууһун…
Быраас-оториноларингологтар долгуйаллар: коронавирус пандемиятын кэмигэр мурун бүөлэниититтэн тымыры кыаратар эмтэр дойду үрдүнэн тарҕаныылара күүскэ үрдээтэ…
Бу сыл метеорологическай кэтээн көтүү устуоруйатыгар саамай сылаас сыллар ахсааннарыгар киириэҕэ диэн Арассыыйа Гидрометкиинин научнай…
Удачнай куорат олохтооҕо Мария Удальцова социальнай хантараак көмөтүнэн кыра хампаанньаларга юридическай өҥөнү оҥорор ситиһиилээх биисинэс…
Аллыҥаҕа нэһилиэк килбэйэр киинигэр "Золотые скамейки" искибиэргэ таптаһар сүрэхтэр, саҥа холбоһор ыаллар үйэлээх тапталларын өһүллүбэт…