Хаартыска: Саха сирин Бырамыысыланнаска уонна геологияҕа министиэристибэтэ
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология тиэмэтигэр ананар. Бу туһунан Саха сирин Бырамыысыланнаска уонна геологияҕа министиэристибэтэ иһитиннэрэр.
Сүрүн былаһаакканан «Сахагеоинформ» геологическай түмэл буолуоҕа, аадырыһа — Киров уул., 13 дь. Оскуола оҕолоругар интэриэһинэй аралдьытар бырагыраама оҥоһуллубута бэлиэтэнэр.
«Тэрээһин чэрчитинэн оҕолорго интерактивнай экскурсиялар, тематическай маастар-кылаастар күүтэллэр, квестар, викториналар буолуохтара»,-диэн биэдэмистибэҕэ бэлиэтээтилэр.
Ордук минераллары уонна сыаналаах таастары кытта билиһиннэриигэ болҕомто ууруллар. Оскуола оҕолоро түмэл хранилищетыгар мэлдьи харалла сытар ураты таастары көрүөхтэрин сөп. Тустаах гид хараҥаҕа таастар тыгалларын, сыаналаах минералы хайдах бэрэбиэркэлиир туһунан кэпсиэҕэ. Исписэлиистэр салалталарынан кыттааччылар ультрафиолетынан минераллары быһаарарга үөрэниэхтэрэ.
Бырагырааманан эмиэ уопуттаах геологтары кытта көрсүһүү көрүллэр. Оҕолор геологтар дьиҥнээх үлэлэрин туһунан истиэхтэрэ. Кыттааччылар бары Арасыыйа бөдөҥ бырамыысыланнай хампаанньалартан өйдөбүнньүк бириистэри уонна сувенирдары ылыахтара. Миэстэ ахсаана хааччахтанар. Суруттары социальнай ситимнэринэн биэдэмистибэ официальнай страницаларын нөҥүө ыытыллар.
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…
Дьокуускай куорат уокуругун үс оскуолатыгар саҥа дириэктэрдэр ананнылар. Дьокуускай куорат 17-с №-дээх орто уопсай үөрэхтээһин…
Саха сиригэр биир нэһилиэк урукку баһылыгар муниципалитет баайын-дуолун сымыйанан учуоттан уһулан, бэйэтигэр иҥэриммитигэр бириигэбэр сокуоннай…
«Аҕа дойдуну көмүскээччилэр» судаарыстыбаннай пуонда Саха сиринээҕи салаатын үлэтэ саҕаланыаҕыттан, 11,5 тыһыынчаттан тахса киһиттэн, ол…