ДСК оройуонугар бэйдиэ ыт ахсаана эмиэ элбээн эрэр…

Халлаан арыый сылыйда да Дьокуускай куорат кытыы уулуссаларынан бэйдиэ сылдьар ыт ахсаана элбээн барар.

Бүгүн ДСК оройуонугар олорор Мира А. диэн ийэ сибээскэ тахсан манныгы кэпсээтэ:

— Олорор дьиэбититтэн оҕо оскуолата чугас курдук эрээри балачча хаамыылаах. Оҕобун атааран баран түннүгүнэн көрөн турдахпына, хас да ыт сүүрэн ааста. Урукку сылларга бу оройуоҥҥа ыттар үөрүнэн сылдьар буолаллара, дьоҥҥо да саба түһэллэрэ. Ол иһин куттана, сэрэнэ үөрэнэн хаалбыт дьон ыттары көрөөт  олус куттанным.  Хаартыскаҕа түһэрбэккэ хааллым. Тоҕо баччааҥҥа диэри хаһаайыннаах ыттары хонтуруолга ылыы үлэтэ бытааннык барарый? Киһи эрэ барыта куорат киинигэр олорбот, оҕо эрэ барыта массыынанан тиэллэн оскуолаҕа тиийбэт.