Дугуйдан Винокуров  «Дальний Восток – земля приключений» куонкурус призерунан буолла

Өймөкөөн сылгыһыта, аатырбыт айанньыт Дугуйдан Винокуров  «Дальний Восток – земля приключений» Бүтүн Арассыыйатааҕы куонкурус призерунан буолла.

Куонкурус кыайыылаахтарын «Арассыыйа» норуоттар икки ардыларынааҕы быыстапка-пуорум кэмигэр наҕараадалаатылар.

Тэрийээччилэр этэллэринэн, кыттааччылар икки ардыларыгар күрэстэһии күүстээх этэ. Саамай элбэх сайаапка Камчаткаттан, Сахалинтан, Саха сириттэн итиэннэ Москваттан уонна  Санкт-Петербургтан киирбит.

Сүүмэрдээһиҥҥэ   200 кыттааччы тахсан, Дугуйдан Винокуров «Зимнее путешествие» диэн номинацияҕа үһүс миэстэ буолла.