https://www.sakha.gov.ru/
«Дальний Восток – земля приключений» Бүтүн Арассыыйатааҕы куонкурус бастакы сезонун финалиһа, Өймөкөөн сылгыһыта, аатырбыт айанньыт Дугуйдан Винокуров хаартыскалара Владивостокка аэропорка уонна киин болуоссакка туруорулуннулар.
Дугуйдан Винокуров «От Полюса холода до Белокаменной» эспэдииссийэ кыттыылааҕа уонна Өймөкөөнтөн Магадан Сеймчээнигэр диэри кыһыҥҥы тымныыга атынан айаннаабыт экстремал-айанньыт быһыытынан биллэр.
«Бу айаммынан мин кыһыҥҥы кэмҥэ айаҥҥа саха атын тургутуу, кини кыаҕын, күүһүн көрдөрүү этэ. Мин саныахпар, ол барыта табылынна», – диэн Дугуйдан этэр.
Былырыын Өймөкөөн сылгыһыта Дугуйдан Винокуров «Дальний Восток – земля приключений» Бүтүн Арассыыйатааҕы куонкурус призерунан буолбута. Куонкурус кыайыылаахтарын «Арассыыйа» норуоттар икки ардыларынааҕы быыстапка-пуорум кэмигэр наҕараадалаабыттара.
Куонкурус Уһук Илин уокуругар Бэрэсидьиэн бастайааннай бэрэстэбиитэлэ Юрий Трутнев, Уһук Илини сайыннарыы министиэристибэтин, Уһук Илини, Арктиканы сайыннарыы корпорациятын, «Фонд развития социальных инициатив» уопсастыбаннай түмсүү көҕүлээһиннэринэн ыытыллар.
«Куонкурус сүрүн сыала — Уһук Илин ураты кэрэ сирдэрин дойдубут олохтоохторугар киэҥник билиһиннэрии. Хайдахтаах да киинэлэр уһулуннуннар, киһи бэйэтэ сылдьан, көрөн-истэн устубутун, дууһата өрүкүйбүтүн үллэстибитин туох да солбуйбат. Маннык айаннар киһини сайыннараллар, айылҕалыын алтыһыннаран, дууһатыгар кэрэни кэрэхсиир кылын таарыйаллар, өйүгэр-санаатыгар сотуллубаттыы иҥэн хаалаллар. Онон Уһук Илиҥҥэ дьон интэриэһин тардыахпытын баҕарабыт», –диэбитэ Юрий Трутнев.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…