ВИДЕО: Дугуйдан Винокуров Магадааҥҥа айана хайдах ааспытын туһунан кэпсээтэ

Өймөкөөн сылгыһыта, аатырбыт айанньыт Дугуйдан Винокуров Саха сириттэн Магадаан Сэйимчээнигэр диэри «Улуу дьон аартыктарынан» диэн экстремальнай айанын туһунан видео таһаарда. 

Санатан суруйдахха, Дугуйдан Винокуров саха норуотун икки сүгүрүйэр улуу дьоно — Өймөкөөн улууһун 1-кы гильдиялаах меценат- атыыһыта Николай Кривошапкин уонна саха бөлүһүөгэ Алексей Кулаковскай Магадаан Сэйимчээнигэр айаннаабыт суолларынан бу кыһын аһаҕас халлаан анныгар хаарга хонон айаннаабыта.