Дьуһуурунай борокуруор: ааспыт сууккаҕа буруйу оҥоруу туһунан
![](https://sakha-sire.ru/wp-content/uploads/2023/12/6q5a7876-900x596-2.jpg)
Өрөспүүбүлүкэҕэ ааспыт сууккаҕа буруйу оҥоруу туһунан сэттэ иһитиннэрии киирбит.
Дьокуускайга уонна Ленскэй улууһугар киһини өлөрүү туһунан икки холуобунай дьыала тэриллибит, уорбаланааччылар биллибиттэр. Нам улууһугар эр киһи доруобуйатыгар охсуулаах буруй оҥоһуллубут, уорбаланааччы биллибит.
Дьокуускайга 1989 с.т. киһи хаҥас санныгар ытыллан балыыһаҕа киирбит. РФ ХК 213 ыст. 2 ч. холуобунай дьыала тэриллибит, уорбаланааччылар биллибиттэр уонна тутуллубуттар.
Уус Маайа оройуонугар сэби-сэбиргэли (оружие) сокуоннайа суох эргитии эйгэтигэр буруйу кэһии тахсыбыта тохтотуллубут, Горнай улууһугар үп-харчы итэҕэстийиитинэн холуобунай дьыала тэриллибит. Мэҥэ Хаҥалас улууһугар сокуону кэһэн итирдэр утаҕы батарыы иһин холуобунай дьыала тэриллибит.
Нерюнгри куоратыгар гарааска мотуор гааһыттан тумнастан 1958 с.т. эр киһи суорума суолламмыт.
Киһи өлүүлээх суол-тырааныспар быһылаана регистрацияламматах. Чурапчы улууһугар «Халыма» федеральнай айан суолун 169 км. «Камаз» суоппара «Тойота Эстима» а/м кытары харсыбыттар. Суол быһылаанын түмүгэр суоппар уонна легковой массыына пассажира балыыһаҕа киирбиттэр.
Сообщить об опечатке
Текст, который будет отправлен нашим редакторам: