Дьуһуурунай борокуруор: арыгы иһэн баран массыына ыыппыт 10 киһи тутулунна

Ааспыт сууккаҕа аҕыс буруйу оҥоруу туһунан иһитиннэрии бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Дьокуускайга иһигэр быһаҕынан анньыллан, 1987 с.т. эр киһи балыыһаҕа киирбит.  Уорбаланааччыны булбуттар. Дьааҥыга күүһүлээһин туһунан сайабылыанньа киирбит.

Дьокуускайга баан счетуттан харчы уорбуттарын туһунан иһитиннэрбиттэр, Мииринэй , Дьокуускай уонна Удачнай олохтоохторуттан түөкүттэр 5,6 мөлүйүөн солкуобайы сойбоппуттар.

Өрөспүүбүлүкэ киин куоратыгар суоппар сымыйа быраабын туһаныы чахчыта биллибит.

Киһи өлүүлээх суол быһылаана бэлиэтэммэтэх. Суукка иһигэр 10 итирик туруктаах киһи массыынаны ыытан тутуллубут.

Сиһилии https://t.me/tprocsakha  сигэнэн ааҕыҥ.