Дьуһуурунай борокуруор: түөкүттэр угаайылара, арыгы иһэн баран массыына ыытыы

Ааспыт сууккаҕа өрөспүүбүлүкэҕэ буруйу оҥоруу алта түбэлтэтэ бэлиэтэннэ. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Ол курдук, Дьокуускай олохтооҕо түөкүттэр угаайыларыгар киирэн биэрбитин туһунан иһитиннэрбит. 1983 с.т. дьахтарга сымыйанан «Якутскэнерго» үлэһитэ аатыран эрийбиттэр, 200 тыһ. солк. харчытын сойбоппуттар.

Нам улууһугар арыгыны сокуоннайа суох атыылааһын баара биллибит. Өрөспүүбүлүкэ киин куоратыгар арыгыны иһэн баран массыынаны хаттаан ыытыы, массыынаны ыытарга сымыйа дастабырыанньаны туһаныы баара быһаарыллыбыт.

Мэҥэ Хаҥалас улууһугар «Халыма» ФАС 27 км. «Тойота Витц» массыынаны ыытан испит 1991 с.т. киһи массыынаны ситэн ааһаары суол утары балаһатыгар тахсан, «Форд Иксион» массыынаны кытта харсыспыт. Суол саахалыгар «Форд Иксион» массыынаҕа олорсон испит 1971 с.т. пассажир суорума суолламмыт, 4 киһи балыыһаҕа киирбит, ол иһигэр массыынаны ыытан испит дьон эмиэ киирбиттэр.

Арыгы иһэн баран массыына ыыппыт сэттэ киһи тутуллубут.

https://t.me/tprocsakha