Дьуһуурунай борокуруор: баһаар уонна түөкүттэр угаайылара

Ааспыт сууккаҕа Саха сиригэр 10 буруйу оҥоруу бэлиэтэннэ. Бу туһунан СӨ Борокуратуурата иһитиннэрэр.

Дьокуускайга матасыыкылы уорбуттар. Дьокуускай уонна Ленскэй олохтоохторуттан, уопсайа биэс киһиттэн, түөкүттэр 2,3 мөл. тахсаны суйдаабыттар. Буоларын курдук, полиция, Росфинмониторинг, Якутскэнерго, домофоннары туруорар хампаанньа, суотабай сибээс оператора аатыран албыннаабыттар. Маны таһынан, эрэгийиэн киинигэр уонна Мэҥэ Хаҥалас улууһугар арыгы иһэн баран тырааныспары хаттаан ыытыы чахчыта быһаарыллыбыт.

От ыйын 15 күнүгэр Намтан Хатас диэки оҥочонон барбыт 1958 с.т. эр киһи өлүгүн Нам улууһугар Өлүөнэ биэрэгиттэн булбуттар.

Хатаска биир мэндиэмэннээх кэтэх мас дьиэҕэ баһаар буолбутун туһунан иһитиннэрбиттэр. Уокка сиэппит уонна буруоттан эмсэҕэлээбит 1967  с.т. дьахтары уонна 1965, 1958 с, 1990 с.т. эр дьону балыыһаҕа киллэрбиттэр.

Киһи өлүүлээх суол-тырааныспар быһылаана бэлиэтэммэтэх.

Арыгы иһэн баран массыына ыыппыт тоҕус киһи тутуллубут.

https://t.me/tprocsakha