Дьуһуурунай борокуруор: болкуонтан дьахтар сууллубут, устудьуонтан харчы уорбуттар

Кэнники сууккаҕа өрөспүүбүлүкэҕэ буруйу оҥоруу сэттэ түгэнэ бэлиэтэммит.

Ол курдук, Марха түөлбэтигэр сыбааркалыыр аппарааты уорбуттар, Томпоҕо уонна Дьокуускайга үлэтэ суох киһиттэн, ону сэргэ устудьуоҥкаттан албыннаан туран 500 тыһ.солкуобайы уорбуттар. Түөкүттэр нолуок сулууспатын үлэһиттэрэ буолан кубулуммуттар.

Маны сэргэ, Дьокуускайга ресто-барга сокуону кэһэн арыгы атыылаабыттар. Ону сэргэ, массыына иһиттэн эмиэ арыгы атыылаан тутуллубуттар.

Арыгы иһэн баран  уруулга олорбут киһи тутуллубут.

Дьокуускай куоракка Рыдзинскай уул. баар дьиэ үһүс этээһин болкуонуттан 1987 с.т. дьахтар сууллубут. Кинини суһаллык балыыһаҕа илдьибиттэр.

Киһи өлүүлээх суол быһылаана бэлиэтэммэтэх.

Кэнники хонукка арыгы испит 13 киһи тутуллубут.