Дьуһуурунай борокуруор: болкуонтан сууллуу, түөкүттэр угаайылара

Өрөспүүбүлүкэҕэ буруйу оҥоруу хас да түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Дьокуускайга уонна Уус Маайаҕа түөкүттэр дьону албыннаабыттар. Икки киһи түөкүттэр угаайыларыгар киирэн биэрэн, 2,1 мөл. тахса солк. мэлийбиттэр. Ол иһигэр, Уус Маайа бөһүөлэгин олохтооҕо, биэнсийэлээх киһи 1 978 500 солк. албыннаппыт.

Дьокуускайга арыгы иһэн баран массыынаны хаттаан ыытыы баара бэлиэтэммит.

Дьокуускайга Лермонтов уул. баар дьиэ алтыс этээһин болкуонуттан сууллубут 1974 с.т. эр киһи балыыһаҕа киирбит.

Киһи өлүүлээх суол-тырааныспар быһылаана бэлиэтэммэтэх. Тулагыга 2009 с.т. оҕо матасыыкыл ыыта сылдьан, ситэн ааһаары «Toyota Ractis» массыынаҕа кэтиллибит. Ол түмүгэр бу оҕо балыыһаҕа киллэриллибит.

Арыгы иһэн баран массыына ыыппыт тоҕус киһи тутуллубут.

https://t.me/tprocsakha