Дьуһуурунай борокуруор: быһахтааһын, түөкүннээһин, сокуоннайа суох көмүһү хостооһун

Саха сиригэр ааспыт сууккаҕа алта буруйу оҥоруу регистрацияланна. Бу туһунан дьуһуурунай борокуруор иһитиннэрэр.

Ол иһигэр эр киһи быһаҕынан анньыллыбыт, түөкүннээн харчы уорбуттар, сокуоннайа суох көмүһү хостообуттар, уо.д.а.

Амма оройуонугар 49 саастаах олохтоох эр киһи түөһүгэр быһаҕынан анньыллан балыыһаҕа киирбит.

Дьокуускайга эр киһи 200 тыһыынча солкуобай харчытын сүтэрбит. Схемата — «суотабай сибээс оператора».

Сокуоннайа суох көмүһү хостооһуҥҥа холуобунай дьыала тэриллибит. Хоромньу суумата олус элбэх — 140 мөлүйүөн солкуобай.

Киин куоракка наркотигы эргинии тохтотуллубут, оттон Мэҥэ Хаҥалас оройуонугар маркировката суох 878 лиитирэ арыгыны былдьаабыттар.

Суолга итирик туруктаах алта суоппар тутуллубут.