Дьуһуурунай борокуруор: Даркылаахха сөтүөлүү сылдьан эр киһи ууга былдьаммыт

Дьокуускай куоракка 2003 сыллаахха төрөөбүт эдэр киһи доруобуйатын улаханнык эчэппиттэр, уорабаланааччыны быһаарбыттар.

Таатта улууһун Ытык Күөлүгэр хайа анньыллыбыт баастаах 1990 с.т. эр киһини балыыһаҕа киллэрбиттэр.

Дьокуускайга “Регул Мото” матасыыкылы уорбуттар. Дьокуускай уонна Өлүөхүмэ куораттар олохтоохторуттан түөкүннээн 2,6 мөл. тахса солк. ылбыттар. Ону тэҥэ, Дьокуускайга сымыйа докумуону туһаныы түбэлтэтин булбуттар.

Ленскэй уонна Ньурба улуустарыгар суол саахала тахсыбытын туһунан иһитиннэрбиттэр, ол түмүгэр икки киһини балыыһаҕа киллэрбиттэр. Ол иһигэр Ньурбаҕа 2017 сыллаахха төрөөбүт оҕону түҥнэри көппүттэр.

Дьокуускайга Даркылаахха сөтүөлүү сылдьан 1996 с.т. эдэр киһи ууга былдьаммыт.

Итирик туруктаах массыына ыыта сылдьар 10 киһини туппуттар. Бу туһунан СӨ борокуратууратын телеграмыгар иһитиннэрэллэр.