Дьуһуурунай борокуруор: Дьиэ подьеһыгар эр киһи өлүгэ көһүннэ

Өрөспүүбүлүкэ үрдүнэн ааспыт сууккаҕа буруйу оҥоруу 6 чахчыта бэлиэтэннэ. Бу туһунан СӨ Борокуратууратын пресс-сулууспата иһитиннэрэр.

Дьокуускай куоракка дьиэ подъеһыгар элбэх эчэйиилэрдээх эр киһи өлүгэ көһүннэ.

Тутулла турар чааһынай дьиэттэн 50 тыһ. солк. суумалаах үнүстүрүмүөннэри уоруу таҕыста.

Өрөспүүбүлүкэ киин куоратын олохтооҕо санаторийга путевка атыылаһаары албыннатан, 105 тыһ. солкуобайын уордарбыт.

Жатай бөһүөлэгэр, Өлөөн, Нерюнгри оройуоннарыгар массыыналары  күрэтии түбэлтэлэрэ бэлиэтэммит. Уорбаланааччылар быһаарылыннылар.

Өлүөхүмэ оройуонугар суол быһылаанын түмүгэр сааһын ситэ илик оҕону түҥнэри көппүттэр.

Суукка устата итирик туруктаах уруулга олорбут 4 суоппар тутулунна.