Дьуһуурунай борокуруор: Дьокуускай олохтооҕо счетуттан 3 мөл. солк. уордарбыт

Өрөспүүбүлүкэҕэ ааспыт сууккаҕа  буруйу оҥоруу туһунан  8  иһитиннэрии киирбит, ол иһигэр  Дьокуускайга уонна Муома улууһугар уоруу 5 түбэлтэтэ тахсыбыт.

Ол курдук  түөкүттэр Дьокуускай куорат  1947  сыллаах төрүөх олохтооҕуттан счетуттан  3 мөл. солк. харчытын суйдаабыттар.  Маны таһынан Дьокуускай куорат устудьуонуттан албыннаан 135 тыһ. солк., оттон Нам дьахтарыттан  329 тыһ.  солк. уорбуттар.

Суукка устата эрэгийиэҥҥэ  4 техногеннай баһаар бэлиэтэммит. Алдан оройуонун Томмотугар олорор дьиэ умайан, 1988 сыллаах төрүөх эр киһи балыыһаҕа киирэн баран өлбүт.