Дьуһуурунай борокуруор: Дьокуускай үс олохтооҕун түөкүттэр угаайыларыгар киллэрбиттэр

Ааспыт сууккаҕа Саха  сирин үрдүнэн буруйу оҥоруу биэс түбэлтэтэ бэлиэтэммит. Бу туһунан СӨ Борокуратуурата иһитиннэрэр.

Дьокуускай үс олохтооҕо ФСБ, Росфинмониторинг сымыйа үлэһиттэрин албыннарыгар киирэн биэрэннэр,  2 мөл. тахса солк. суйдаппыттар. Биир түбэлтэҕэ хара санаалаахтар дьиэ кэргэн сокуоннай сааһын туола илик оҕотун албынныыр ньымаларын туттубуттар.

Маны таһынан, авиахампаанньа тиэхиньигин чэпчэки сыанаҕа дьиэ атыыланар диэн албыннааннар, 2400 тыһ. солк. суйдаабыттар.

Чурапчы улууһугар арыгы испит киһи массыынаны хаттаан ыыппыта биллибит.

Киһи өлүүлээх суол-тырааныспар быһылаана бэлиэтэммэтэх.

Кэнники хонукка арыгы испит 14 киһи массыына ыытан тутуллубут.

https://t.me/tprocsakha