Дьуһуурунай борокуруор: Дьокуускайга 2019 с.т. оҕону массыынанан түҥнэри көппүттэр

Ааспыт суукка устата өрөспүүбүлүкэҕэ 6 буруйу оҥоруу тахсыбыта бэлиэтэннэ. Бу туһунан Саха сирин Борокуратууратынг пресс-сулууспата иһитиннэрэр.

Дьокуускай уонна Мииринэй куораттарга бэлисипиэттэри, суотабай төлөпүөнү уоруу түбэлтэлэрэ бэлиэтэннилэр.

Хаҥалас улууһугар итирик туруктаах тырааныспары иккиһин ыытыы түбэлтэтэ таҕыста. Киһи өлүүлээх суол быһылаана тахсыбата.

Дьокуускай куоракка 203-с түөлбэҕэ 1993 с.т. суоппар «Тойота Кроун» массыынанан 2019 с.т. оҕону түҥнэри көппүт. Оҕо уҥуоҕа тостуулаах балыыһаҕа киирбит.

Суукка устата итирик туруктаах  8 суоппар тутулунна.