Дьуһуурунай борокуруор: Дьокуускайга 4-с этээстэн киһи сууллан суорума суолламмыт

Ааспыт сууккаҕа өрөспүүбүлүкэҕэ буруйу оҥоруу биир түбэлтэтэ бэлиэтэннэ.

Мииринэй куоракка учууталтан албыннаан 1 950 000 солкуобайы уорбуттар (схемата – «ФСБ үлэһитэ» төлөпүөннээбит). Бу туһунан СӨ Борокуратуурата иһитиннэрэр.

Абый улууһун Кэбэргэнэ нэһилиэгэр Хабаров уулуссаҕа турар чааһынай дьиэҕэ баһаар туран, 1963 сыллаах төрүөх киһи эчэйэн, балыыһаҕа киирэн тыына быстыбыт.

Ленскэй куоракка Пролетарскай уулуссаҕа турар дьиэ биир кыбартыыратыгар баһаар тахсыбыт. Баһаар тахсыбыт сириттэн 1976 сыллаах төрүөх киһи эчэйэн балыыһаҕа киирбит.

Дьокуускай куоракка 1990 сыллаах төрүөх эр киһи Дзержинскэй уулуссатыгар турар элбэх кыбартыыралаах дьиэ 4 этээһиттэн сууллан өлбүтүн туһунан иһитиннэрии киирбит.

Алдан оройуонун «А-360» федеральнай айан суолун 926 км 1981 с.т. суоппар «Тойота Виш» мааркалаах массыынаны ыытан иһэн суолтан туораан түҥнэстибит. Суол саахалын түмүгэр массыынаҕа олорсон испит 1992 с.т. киһи суорума суолламмыт.

Суукка иһигэр  11 суоппар итирик туруктаах сылдьан тутулунна.