Дьуһуурунай борокуруор: Дьокуускайга аҕам саастаах 2 этээстэн сууллубут

Ааспыт сууккаҕа Саха сиригэр 6 буруйу оҥоруу тахсыбыта бэлиэтэммит. Бу туһунан дьуһуурунай борокуруор иһитиннэрэр.

Нерюнгрига 1983 с.т. эр киһини өлөрбүттэр, уорбаланааччы тутуллубут.

Дьокуускайга уоруу тахсыбыт, түөкүттэр экэнэмиистэн  291 тыһ. солк. уорбуттар (схемата – баан үлэһитэ).

Киин куоракка иккииһин итирик туруктаах уруулга олорбут суоппар тутуллубут, наркотигы сокуоннайа суох эргинии тохтотуллубут.

Дьокуускайга Ильменскай уул. 1949 с.т. эр киһи араас эчэйиилээх балыыһаҕа киирбит. Аҕам саастаах тутуу кэмигэр 2 этээстэн сууллубута быһаарыллыбыт.

Киһи өлүүлээх суол быһылаана бэлиэтэммэтэ.

Суукка иһигэр 6 суоппар итирик туруктаах сылдьан тутуллубут.