Дьуһуурунай борокуруор: Дьокуускайга массыынаны күрэппиттэр, Горнайга массыыналар харсыспыттар

Ааспыт сууккаҕа Саха сиригэр араас хабааннаах буруйу оҥоруу туһунан үс иһитиннэрии киирбитин туһунан СӨ Борокуратуурата иһитиннэрэр. Ол быһылааннар бары Дьокуускай куоракка оҥоһуллубуттара бэлиэтэнэр.

Ол курдук икки уоруу, ону таһынан «Тойота Марк-2» мааркалаах массыынаны күрэтии тахсыбыт.

Суукка иһигэр өрөспүүбүлүкэҕэ 5 техногеннай баһаары умуруорбуттар, өлүү, эчэйии бэлиэтэммэтэх.

Горнай улууһугар эр киһи «Мицубиси Делика» мааркалаах массыынаны ыытан иһэн, суолга утары тахсан «Тойота Ленд Крузер Прадо» массыынаны кытары харсыспыт. Ол түмүгэр «Мицубиси Делика» массыына суоппара араас эчэйиини ылан балыыһаҕа киирбит.

Оттон Мииринэй оройуонун Алмазнай бөһүөлэгэр 1979 сыл төрүөх эр киһи мотороллерынан айаннаан иһэн, сыыһа туттан суолтан сууллан суол ханаабатыгар түспүт. Эт-хаан араас эчэйиитин ылан балыыһаҕа киирбит.