Дьуһуурунай борокуруор: Дьокуускайга уонна Мииринэйгэ түөкүттэр 15 мөл. солк. тахса суума харчыны уорбуттар

Саха сиригэр ааспыт сууккаҕа 5 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.

Дьокуускайга уонна Мииринэйгэ биэнсийэлээхтэн, электрослесарьтан уонна урбаанньыттан 15 мөл. солк. тахса суума харчы уоруллубут. Мантан түөкүттэр 11 780 000 солк.  суума харчыны  полиция үлэһиттэрэ буолан кубулунан эрийэн уорбуттар, 2 780 000 солк.  — Энергосбыт үлэһиттэрэ, 535 800 солк.  — «инвестиция».

Өймөкөөҥҥө наркотигы сокуоннайа суох эргинии тохтотулунна, Дьокуускай куоракка массыынаны күрэппиттэр.

Киһи өлүүлээх суол быһылаана регистрацияламматах. Ленскэйгэ суол быһылааныгар үс массыына саахалламмыт, биир пассажир былааһыҕа киирбит.

Суукка иһигэр 54 суоппар итирик туруктаах сылдьан тутулунна.