Дьуһуурунай борокуруор: өлөрүү, суол быһылаана…

Ааспыт сууккаҕа Саха сиригэр 7  буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Сунтаар сэлиэнньэтигэр   1967 с.т. эр киһини өлөрдүлэр.

Дьокуускайга уонна Аллараа Бэстээххэ быһаҕынан анньыллан  1988 с.т. уонна 1963 с.т. эр дьон балыыһаҕа киллэрилиннилэр. Буруйдаахтар быһаарылыннылар.

Дьокуускайга уһуйаан иитээччититтэн уонна учууталтан түөкүттэр  488 157 солк. уонна  366 200 солк. уордулар.

Киин куоракка суоппар сымыйа быраабын туһаныы түбэлтэтэ бэлиэтэннэ.  Уус Алдан улууһугар арыгы иһэн баран хаттаан уруулга олорбут киһи тутулунна.

Нам улууһун Хатаһыгар   2010 с.т. уол   «Roles 200» матасыыкылынан айаннаан иһэн, уруулун кыайан туппакка утары балаһаҕа тахсан,«Daihatsu Terios» массыынаны кытта харсыспыт.  Быһылаан түмүгэр матасыыкылы ыытан испит уол суорума суолламмыт.