Дьуһуурунай борокуруор: өлүктэр көһүннүлэр, харчыны уорбуттар…

Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр.

Дьокуускай куоракка П. Алексеев уулуссатын дьиэтин биир кыбартыыратыгар дьахтар өлүгэ көһүннэ (кини кимэ билигин быһаарыллар), маны таһынан кыбартыыраттан 1994 сыллаах төрүөх эр киһи ыарахан эчэйиилээх балыыһаҕа киирдэ. Уорбаланааччы быһаарылынна.

Дьокуускайга Авиационная уулуссаҕа турар дьиэ кыбартыыратыгар 1972 сыллаах төрүөх эр киһи быһаҕынан анньыллыбыт өлүгэ көһүннэ. Уорбаланааччы быһаарылынна.

Киин куоракка мессенджер нөҥүө валютаны уларытыыга албыннаан 175 тыһыынча солкуобайы уорбуттарын туһунан иһитиннэрии киирдэ.

Мэҥэ Хаҥалас улууһугар итирик туруктаах тимир көлөнү иккиһин салайыы түбэлтэтэ бэлиэтэннэ.

Бороҕон нэһилиэгэр бэйэтин гарааһыгар «Тойота Филдер» массыына үлэлии турар мотуорун буруотугар үгээрдээн, 1989 сыллаах төрүөх эр киһи өлбүтэ билиннэ.

Киһи өлүүлээх суол быһылаана бэлиэтэммэтэ.

Суукка иһигэр итирик туруктаах тимир көлөнү ыыппыт 6 суоппар тутулунна.