Дьуһуурунай борокуруор: өрөспүүбүлүкэҕэ буруйу оҥоруу 2 түбэлтэтэ бэлиэтэннэ

Ааспыт сууккаҕа өрөспүүбүлүкэҕэ буруйу оҥоруу 2 түбэлтэтэ бэлиэтэннэ. Бу туһунан СӨ Борокуратуурата иһитиннэрдэ.

Дьокуускай куоракка култуура үлэһититтэн түөкүннээн 3,1 мөл. солк. уорбуттарынан холуобунай дьыала  көбүтүлүннэ. Мииринэй оройуонугар сокуону кэһэн туран маһы кэрдибиттэрэ билиннэ.

Дьокуускайга  2013 сыллаах төрүөх оҕо  алҕаска итии чэйи үрдүгэр куттан,  эчэйиини ылан балыыһаҕа киирдэ.

Сэтинньи 16 күнүгэр Дьокуускайга Молодежнай уулуссаҕа  «Лада Гранта» суоппара суолу туораан испит 2003 сыллаах төрүөх киһини түҥнэри көтөн, эмсэҕэлээбит киһи балыыһаланна.

Нам сэлиэнньэтигэр Чернышевскай уулуссаҕа «Тойота Ипсум»  уонна  «Тойота Калдина» массыыналар кыттыылаах суол быһылаана таҕыста. Ол түмүгэр  «Тойота Ипсум» икки пассажира  балыыһаҕа киирдилэр.