Дьуһуурунай борокуруор: Горнайга 1989 с.т. эр киһи ууга түһэн өлбүт

Саха сиригэр 6 буруйу оҥоруу түбэлтэтэ бэлиэтэннэ. Бу туһунан СӨ Борокуратууратын пресс-сулууспата иһитиннэрэр.

Дьокуускай куоракка күүһүлээһин туһунан тыллабыттар. Өрөспүүбүлүкэ киинигэр питбайк уонна икки бэлисипиэт уоруллубутун туһунан сайабылыанньалар киирдилэр. Ону таһынан, Дьокуускай куорат уонна Чернышевскай бөһүөлэгин олохтоох дьахталларыттан албыннаан (инвестиция нөҥүө) уопсайа 1,4 мөлүйүөнтэн тахса солкуобайы уорбуттар.

Горнай улууһугар Орто Сурт сэлиэнньэтиттэн 1 км тэйиччи сытар Курбуһах диэн сиргэ баар күөлгэ сөтүөлүү сылдьан, 1989 с.т. эр киһи ууга түспүт, өлүгэ көстүбүт.

Киһи өлүүлээх суол быһылаана бэлиэтэммэтэ. Суукка устата итирик туруктаах 14 суоппар тутулунна.