Дьуһуурунай борокуруор: Хаҥаласка «Nissan AD» мааркалаах массыынаны күрэттилэр

Ааспыт сууккаҕа Саха сиригэр 6 буруйу оҥоруу бэлиэтэннэ. Бу туһунан СӨ Борокуратууратын пресс-сулууспата иһитиннэрэр.

Дьокуускайга бэлисипиэт уоруута регистрацияланна. Ленскэй уонна Нерюнгри улуустарыгар кладовщиктан уонна оҕо уһуйаанын үлэһититтэн түөкүттэр 1,9 мөл. солк. харчыны уордулар.

Киин куоракка  наркотигы сокуоннайа суох эргинии тохтотулунна. Хаҥалас улууһугар «Nissan AD» мааркалаах массыынаны күрэттилэр. Киһи өлүүлээх суол быһылаана регистрацияламмата.

Дьокуускайга Гагарин аатынан уулуссаҥа  «Nissan X-Trail» массыына суоппара «Sulgun» массыынаны кытта харсыста. Суоппардар араас эчэйиилээх балыыһаҕа киирдилэр.

Суукка иһигэр 10 суоппар итирик туруктаах сылдьан тутулунна.