Дьуһуурунай борокуруор иһитиннэрэр

Ааспыт суукка устата эрэгийиэҥҥэ буруйу оҥоруу биэс түгэнэ бэлиэтэннэ. Онон бу дьыалаларынан бэрэбиэркэлэр ыытыллаллар уонна борокуратуура хонтуруолугар киирдэ.

Горнай улууһун Маҕарас сэлиэнньэтигэр 1975 с. т. эр киһи ыарахан эчэйиини ылан, суорума суолланна, буруйдааҕы туттулар. Дьокуускай куоракка уоруу таҕыста. Өрөспүүбүлүкэ киин куоратыгар уонна Алдан оройуонугар наркотигынан эргинээччилэр харыларыттан харбаттылар.

Хата, киһи өлүүлээх суол саахала тахсыбата. Ол эрээри, Дьокуускайга икки саахал түмүгэр икки киһи эчэйбит, ол иһигэр 2016 с.т. оҕо.

Итирик туруктаах сылдьан массыынаны ыытыы, хомойуох иһин, тохтообот. Сэттэ киһи тутуллубут.