Дьуһуурунай борокуруор иһитиннэрэр
![](https://sakha-sire.ru/wp-content/uploads/2024/07/whatsapp-image-2023-06-15-at-14.14.53-1060x596-1-e1712628198454.jpeg)
Ааспыт нэдиэлэҕэ түөкүттэр угаайыларыгар Саха сирин 25 олохтооҕо киирэн биэрдэ. Түөкүттэр кинилэртэн 30,6 мөлүйүөн солкуобайы сойботтулар.
Ол курдук, түөкүттэр үөрэх тэрилтэтин 6 үлэһитин, үлэтэ суох 5 киһини, 4 биэнсийэлээҕи, силиэсэри, кассиры, мэдиссиинэ үлэһитин, харабылы отоойкоҕо олоттулар, харчыларын тэбээтилэр.
Ол курдук, “инвестиция” схематынан биир киһиттэн саамай үгүөрү үбү — 5,8 мөл солк. элбэх сууманы албыннаатылар.
Уопсайа бу албын схеманан 6 киһи эмсэҕэлээтэ. Кинилэр 13,6 мөл солк. үптэрин сүтэрдилэр. Оттон “РФ Киин бааныттан”, “ФСБ-тан”, “ИдьМ-тан, “Госөҥөттөн”, “Росфинфомониторинтан” диэн албыннаан эрийэн, 15 киһи уопсайа 16 мөл солкуобайы былдьатта. “Кирэдьиити” толоруу” схеманан өрөспүүбүлүкэ 3 олохтооҕо 700 тыһыынча солкуобайын “тыалга көтүттэ”. Ону тэҥэ “бонуһу ылыы” схеманан 284 тыһ. солк. уордардылар.
Онон олус сэрэхтээх буолуҥ, түөкүттэр угаайыларыгар, араас албастарыгар киирэн биэримэҥ!
Сообщить об опечатке
Текст, который будет отправлен нашим редакторам: