Дьуһуурунай борокуруор иһитиннэрэр: быһаҕынан анньыы, бэлисипиэти уоруу, дьахтары түҥнэри көтүү

Дьуһуурунай борокуруор иһитиннэрбитинэн, бүтэһик сууккаҕа өрөспүүбүлүкэ буруйу оҥоруу биэс түбэлтэтэ бэлиэтэммит.

Барыта Дьокуускайга оҥоһуллубуттар. 1976 сыллаах эр киһини быһаҕынан анньан өлөрбүттэр. Бэлисипиэти уорбуттар, массыынаны илдьэ барбыттар. Ону таһынан наркотигынан эргиниини тохтоппуттар, сокуону кэһэн туран ботуруону кистээн хаһааммыт киһини туппуттар.

Суол быһылааныгар киһи өлүүлээх түгэн тахсыбатах. Дьокуускайга 1985 с.т. дьахтар массыына ыытан иһэн, Ф.Попов уонна Бестужев-Марлинскай уулуссалар быһа охсуһууларыгар суолу туораан эрэр  1959 с.т. дьахтары түҥнэри көппүт. Эмсэҕэлээччи балыыһаҕа киирбит.

Ааспыт сууккаҕа арыгы иһэн баран уруулга олорбут үс киһи тутуллубут.