Дьуһуурунай борокуруор иһитиннэрэр: күүстэринэн суотабайы, ноутбугу былдьаабыттар

Ааспыт сууккаҕа өрөспүүбүлүкэҕэ 8 буруйу оҥоруу туһунан иһитиннэрии бэлиэтэннэ, өрөспүүбүлүкэ борокуратууратын хонтуруолугар процессуальнай бэрэбиэркэ ыытылла уонна холуобунай дьыалалары  силиэстийэлээһин барар турар.

Нерюнгри оройуонун Беркакит бөһүөлэгэр 1993 сыллаах төрүөх киһи балыыһаҕа быһаҕынан анньыллан киирбит, уорбаланааччы чуолкайдаммыт.

Дьокуускай куоракка быһаҕынан куттаан уонна күүһүнэн өттөйөн туран кэтэх дьиэттэн суотабай төлөпүөнү, ноутбугу уо.д.а. аһаҕастык халаан тахсыбыттарын туһунан иһитиннэрии киирбит. Өрөспүүбүлүкэ киин куоратыгар, Нерюнгри уонна Хаҥалас оройуоннарыгар түөкүннээһиҥҥэ холуобунай дьыалалар тэриллибиттэр, “инвестиция”, “баан үлэһитэ”, валютаны атыылаһыы схемаларын туттан,  эмсэҕэлээччилэртэн 3 мөлүйүөнтэн тахса солкуобайы уорбуттар.

Дьокуускайга албын докумуону туһаныы тутулунна, оттон Ленскэй оройуонугар сокуону кэһэн туран ботуруоннары кистии сылдьыбыттара билиннэ.

Дьокуускайга кыра оҕо итии мииннээх тэриэлкэни бэйэтигэр тоҕо тардан, итиигэ буһан балыыһаҕа киирдэ.

Суолга киһи өлүүлээх быһылаан бэлиэтэммэтэх.

Биэс киһи итирик туруктаах айаннаан тутуллубуттар.

https://t.me/tprocsakha