Дьуһуурунай борокуруор иһитиннэрэр: массыынанан дьахтары түҥнэри көппүттэр, түөкүттэр дьону албыннаабыттар

Ол курдук бүтэһик сууккаҕа өрөспүүбүлүкэҕэ буруйу оҥоруу уон түгэнэ бэлиэтэммит.

Ньурба куоратыгар 1990 сыллаах эр киһини өлөрбүттэр. Уорбалаанааччы тутуллубут. Амма улууһугар быһаҕынан анньылан 1976 cыллаах эр киһи балыыһаҕа киирбит. Уорбаланааччы тутуллубут.

Дьокуускайга уонна Ньурба улууһугар түөкүннээһин тахсыбытын туһунан иһитиннэрии киирбит. Уоруллубут харчы уопсай сууммата 3,4 мөл.солкуобай. (түөкүннээһин «инвестиция» схематынан оҥоһуллубут) Ону сэргэ, дьоҥҥо доруобуйа харыстабылын тэрилтэтин аатыттан эрийэн албыннаабыттар.

Дьокуускайга уонна Нерюнгрига наркотигынан эргиниини туппуттар. Ону таһынан Дьокуускайга массыына ыытар сымыйа бырааптаах киһи тутуллубут.

Киһи өлүүлээх суол быһылаана тахсыбатах. Ньурба куоратыгар 1946 сыллаах дьахтары түҥнэри көппүттэр, дьахтар балыыһаҕа киирбит.

Арыгы иһэн баран массыына ыыппыт үс суоппар тутуллубут.

https://t.me/tprocsakha