Дьуһуурунай борокуруор иһитиннэрэр: матасыыкыл уорбуттар, арыгы иһэн баран массыына ыыппыттар

Ааспыт сууккаҕа өрөспүүбүлүкэҕэ алта буруйу оҥоруу тахсыбыта бэлиэтэммит.

Ол курдук, Орто Халыма улууһугар Сыбаатайга 1972 c дьахтары өлөрбүттэр. Уорбаланааччы тутуллубут.

Дьокуускайга гараас күлүүһүн алдьатан матасыыкылы уоран ылбыттара биллибит. Ону сэргэ, Дьокуускайга уонна Хаҥалас улууһугар түөкүннээһиҥҥэ икки холуобунай дьыала тэриллибит. Уоруллубут харчы уопсай сууммата 1 мөл.солк. тэҥнэһэр. Ону таһынан Дьокуускайга суоппар  арыгы иһэн баран уруулга иккистээн олорон тутуллубут.

Бүлүү оройуонугар массыына түҥнэри көтөн дьахтар эчэйиини ылбыт. Суукка иһигэр итирик туруктаах уруулга олорбут үс суоппар тутуллубут.

Бу туһунан СӨ Борокуратуратын пресс-сулууспата иһитиннэрэр.