Дьуһуурунай борокуруор: Икки оҕо итии ууга буһан балыыһаҕа киирдилэр

Саха сиригэр ааспыт сууккаҕа  7 буруйу оҥоруу иһитиннэриитэ регистрацияланна.

Мииринэйгэ итирик туруктаах сылдьан тырааныспары хаттаан ыытыы чахчыта биллиннэ.

Бу туһунан СӨ Борокуратуурата иһитиннэрэр. Дьокуускай куорат «Сатал» түөлбэҕэ 1971 с.т. эр киһи доруобуйатыгар дьахтар  улахан эчэйиини таһаарбытыгар уорбаланар. Семен Данилов аатынан уулуссаҕа турар дьиэттэн 1985 с.т. эр киһи ыарахан туруктаах балыыһаҕа киирдэ. Кузьмина уулуссаҕа турар дьиэ таһыгар киһини кырбаан халааһын тахсыбыт чахчыта регистрацияланна. Ону сэргэ барыта 3 уоруу тахсыбыта бэлиэтэннэ.

Новокарьернай уулуссаҕа турар дьиэ кыбартыыраттан икки оҕо, 2013 уонна 2011 с.т., итии уулаах чаанньыгы  бэйэлэригэр тоҕо тардынан, итиигэ буһан, балыыһаҕа киирдилэр. Киин куоракка Герцен аатынан уулуссаттан 2015 с.т. оҕо 2 этээстэн кирилиэстэн охтон балыыһаҕа киирдэ. Сууккаҕа 2 баһаар таҕыста, өлбүт уонна эмсэҕэлээбит дьон суох. Өлүүлээх суол быһылаана регистрацияламмата.