Дьуһуурунай борокуруор: киһини өлөрүү, харчы уоруу, итирик суоппардар…

Дьуһуурунай борокуруор иһитиннэрбитинэн, Сунтаарга икки киһини өлөрбүттэр, түөкүттэр 215 тыһ.солк. суумаҕа албыннаабыттар, суол саахалыгар 3 туонна уматык тохтубут.

Сунтаар улууһун Кутанатыгар 1959 с.т. дьахтары уонна 1990 с.т. эр киһини өлөрбүттэр. Буруйданааччы тутуллунна.  РФ ХК 105 ыст. холуобунай дьыала тэрилиннэ, борокуратуура хонтуруолугар силиэстийэлэнэр.

Нерюнгри куоракка түөкүннээһин туһунан иһитиннэрии киирдэ. 215 тыһ. солк. суума харчы уоруллубут (схемата «инвестиция»).

Дьокуускай куоракка итирик туруктаах сылдьан тырааныспары хаттаан ыытыы чахчылара быһаарылынна. Өлүүлээх суол быһылаана регистрацияламмата.

Томпо оройуонугар «Яна» автострада 154 км суолугар, 1989 с.т. итирик туруктаах суоппар VOLVO FM-TRUCK 6х6 массыынатыттан FOX TANK  цистерната босхо баран түҥнэстибит. Саахал түмүгэр 3 туонна кэриҥэ таһаҕас дизельнэй уматык тохтубут.

Сууккаҕа итирик туруктаах 16 суоппар тутулунна.