Дьуһуурунай борокуруор: күүһүлээһин, суол саахала, итирик суоппардар

Ааспыт сууккаҕа Саха сиригэр биэс буруйу оҥоруу буолбутун туһунан СӨ Борокуратуурата иһитиннэрэр.

Дьокуускайга күүһүлээһиҥҥэ сайабылыанньа киирбит.

Киин куорат олохтооҕо дьахтар түөкүттэргэ 370 тыһ.солк. албыннаппытын туһунан иһитиннэрбит.

Дьокуускайга уонна Бүлүүгэ итирэн баран уруулга олорбут суоппардар иккистээн тутуллубуттар.

Киһи өлүүлээх суол саахала бэлиэтэммэтэх.

Дьокуускайга 1965 с.т. суоппар Окружной суолунан «УАЗ» массыынаны ыытан иһэн сатаан салайбакка, күрүөҕэ тиийэн түспүт. Суоппары госпитализациялаабыттар.

Суукка иһигэр итирик туруктаах аҕыс суоппары туппуттар.