Дьуһуурунай борокуруор: матасыыкылынан массыынаҕа кэтиллибит

Ааспыт сууккаҕа өрөспүүбүлүкэҕэ буруйу оҥоруу алта түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Ньурбаҕа тутуу үстүрүмүөннэрин уорбуттар, Дьокуускайга биэнсийэлээх киһиттэн түөкүттэр сымыйанан «Энергосбыт үлэһитэ» аатыраннар, 130 000 солк. харчытын сойбоппуттар.

Эрэгийиэн киинигэр наркотигынан эргиниини тохтоппуттар, Ленскэйгэ арыгы иһэн баран массыынаны хаттаан ыытыы чахчыта биллибит.

Үөһээ Бүлүүгэ Хомустаах таһыгар Бүлүү өрүскэ 1980 с.т. киһи «Тойота Пробокс» массыынатынан түспүтүн булбуттар.

Киһи өлүүлээх суол-тырааныспар быһылаана бэлиэтэммэтэх. Дьокуускайга Ярославскай уул. турар дьиэлэртэн биирдэстэригэр 1990  с.т. киһи матасыыкыл ыыта сылдьан, тэйиччи буолуохтааҕын кыайан тутуспакка, «Тойота Приус» массыынаҕа кэтиллибит. Ол түмүгэр, матасыыкыллаах киһи балыыһаҕа киирбит.

Арыгы иһэн баран массыына ыыппыт аҕыс киһи тутуллубут.

https://t.me/tprocsakha