Дьуһуурунай борокуруор: Мииринэйгэ кыыс оҕону түҥнэри көппүттэр

Ааспыт сууккаҕа Саха сиригэр 7 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.

Дьокуускайга суотабай төлөпүөнү уорбуттар. Мэдиссиинэ сиэстэрэтэ уонна ХИФУ преподавателэ түөкүттэр угаайыларынан  1 мөл. солк. уонна  2,5  мөл.солк. тахса харчыларын уордарбыттар.

Киин куоракка наркотигы сокуоннайа суох эргинии тохтотулунна.   Киһи өлүүлээх суол быһылаана регистрацияламматах.

Мииринэй куоракка суоппар «Ниссан Кашкай» массыынанан 2016 с.т. кыыс оҕону түҥнэри көппүт. Кыыс оҕо араас эчэйиилээх балыыһаҕа киирбит.

Сууккаҕа 5 суоппар итирик туруктаах сылдьан тутулунна.