Дьуһуурунай борокуруор: «Нам» трассаҕа 51 саастаах эр киһини түҥнэри көппүттэр

Ааспыт сууккаҕа Саха Сиригэр 8 буруйу оҥоруу бэлиэтэммит. Бу туһунан дьуһуурунай борокуруор иһитиннэрэр.

Дьокуускай куоракка бэлисипиэт уонна суотабай төлөпүөн уорбуттар, сымыйа докумуону туһаныы чахчыта тохтотуллубут. Мэҥэ Хаҥаласка иккиһин итирик туруктаах уруулга олорбут суоппар тутуллубут.

Киһи өлүүлээх суол быһылаана регистрацияламматах.

Нам улууһугар «Нам» трассаҕа  «Тойота Ипсум» массыынанан суоппар 1974 с.т. бэлисипиэтинэн айаннаан иһэр киһини түҥнэри көппүт. Эмсэҕэлээччини балыыһаҕа киллэрбиттэр.

Суукка иһигэр 15 суоппар итирик туруктаах тутуллубут.