Дьуһуурунай борокуруор: Нам улууһугар Суоттуга киһини өлөрбүттэр

Ааспыт сууккаҕа Саха сиригэр 6 буруйу оҥоруу тахсыбыта бэлиэтэммит. Бу туһунан дьуһуурунай борокуруор иһитиннэрэр.

Нам улууһугар Суотту сэлиэннньэттэн 15 км тэйиччи Хонор диэн сиргэ киһини өлөрбүттэр, 1983 с.т. уорбаланааччы тутуллубут.

Үөһээ Бүлүүгэ күүһүлээһин туһунан тыллаабыттар. Хаҥалас улууһун Мохсоҕолоох бөһүөлэгэр уоруу тахсыбыта бэлиэтэммит, Дьокуускайга түөкүттэр биэнсийэлээхтэн  262 953 солк. суума харчыны уорбуттар.

Киин куоракка «Тойота Камри» массыынаны күрэппиттэр, иккиһин итирик туруктаах уруулга олорбут суоппар тутуллубут.

Киһи өлүүлээх суол быһылаана бэлиэтэммэтэх.

Уус Алдан улууһун Бороҕон сэлиэнньэтигэр 2009 с.т. сокуоннай сааһын ситэ илик оҕо матасыыкылынан суол саахалыгар түбэспит. Саахал түмүгэр эчэйбит оҕону санриэйсэнэн Дьокуускайга аҕалбыттар.

Суукка иһигэр 13 суоппар итирик туруктаах тутуллубут.