Дьуһуурунай борокуруор: сэттэ киһи харчытыттан мэлийбит

Ааспыт сууккаҕа өрөспүүбүлүкэҕэ буруйу оҥоруу уон түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Дьокуускайга, Мииринэй уонна Нерюнгри оройуоннарыгар түөкүттэр сэттэ киһини албыннаабыттарын туһунан иһитиннэрии киирбит. Икки биэнсийэлээҕи, инженери, оборудование операторын, повары, лабораны уонна үлэтэ суох киһини угаайыларыгар киллэрэннэр, уопсайа 7,2 мөл. солк. харчыны сойбоппуттар. Бу дьону «инвестициянан», Энергосбыт, Госуслуга, ФСБ үлэһиттэрэ, суотабай сибээс оператора аатыран албыннаабыттар.

Дьокуускайга «Тойота Королла» массыынаны уоран илдьэ барбыттар, эрэгийиэн киинигэр уонна Мэҥэ Хаҥалас улууһугар арыгы иһэн баран массыынаны хаттаан ыыппыттара биллибит.

Нам улууһугар Хары Былыт диэн сиргэ балыктыы сылдьан ууга түспүт 1958  с.т. эр киһи өлүгэ көстүбүт.

Киһи өлүүлээх суол-тырааныспар быһылаана бэлиэтэммэтэх. Ленскэй оройуонугар 2009  с.т. оҕо матасыыкыл ыыта сылдьан мэһэйгэ иҥнибит. Ол түмүгэр ыытааччы уонна 2008 с.т. пассажир эчэйиини ыланнар балыыһаҕа киирбиттэр.

Арыгы испит 10 киһи массыына ыыта сылдьан тутуллубут.

https://t.me/tprocsakha