Дьуһуурунай борокуруор: Сунтаарга суоппар дьахтар массыынанан эр киһини түҥнэри көппүт

Ааспыт сууккаҕа Саха сиригэр 10 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.

Дьокуускай куоракка уонна Нерюнгри оройуонугар устудьуон, системнай администратор, пуобар, суоппар түөкүттэр угайаайыларынан уопсайа 890 тыһ. солк. сүтэрбиттэрин туһунан тыллаабыттар — схемата буоста үлэһитэ, «Госуслуги портал уонна Водоканал бэрэстэбиитэллэрэ.

Дьокуускай куоракка суотабай төлөпүөннэри, баан каартатын, көмүс сыабы, харчыны уорбуттар.

Киин куоракка уонна Алдаҥҥа сымыйа докумуоннары туһаныы чахчылара булуллубуттар.
Киһи өлүүлээх суол быһылаана тахсыбатах.

Сунтаарга «Тойота Королла Спасио» массыына суоппар дьахтар 1949 с.т. эр киһини түҥнэри көппүт. Эр киһи араас эчэйиилээх балыыһаҕа киирбит.
Суукка иһигэр итирик туруктаах 7 суоппар тутуллубут.