Дьуһуурунай борокуруор: бэлисипиэти уоруу, түөкүттэр угаайылара

Ааспыт сууккаҕа өрөспүүбүлүкэҕэ буруйу оҥоруу уон түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Дьокуускайга бэлисипиэти уорбуттар. Түөкүттэр дьону албынныыллара тохтообот. Ол курдук, Дьокуускайга, Ленскэйгэ, Нерюнгрига устудьуонтан уонна үс биэнсийэлээхтэн 1,2 мөл. солк. харчыларын сойбоппуттар. Схемата — «уруугут (бут) суол быһылааныгар түбэстэ», Арассыыйа почтатын, Роспотребнадзор, полиция үлэһитэ аатыраннар).

Амма улууһугар наркотигынан эргинии тохтотуллубут, суоппар сымыйа дастабырыанньатын туһаммыттара биллибит.

Мэҥэ Хаҥаласка арыгы иһэн баран тырааныспары хаттаан ыытыы, Өймөкөөн оройуонугар сааны сокуоннайа суох харайыы чахчыта биллибит.

Киһи өлүүлээх суол-тырааныспар быһылаана бэлиэтэммэтэх. Ленскэй оройуонугар суол-иис быһылааныгар биир киһи эчэйбит.

Арыгы иһэн баран массыына ыыппыт 10 киһи тутуллубут.

https://t.me/tprocsakha