Дьуһуурунай борокуруор: суол саахала, быһаҕынан анньыы, наркотик былдьанна…

Суукка иһигэр өрөспүүбүлүкэҕэ буруйу оҥоруу туһунан 8 иһитиннэрии киирбитэ бэлиэтэннэ. Бу туһунан өрөспүүбүлүкэ дьуһуурунай борокуруора иһитиннэрэр.

Покровскай куоракка 1995 с.т. дьахтары өлөрө сатааһын чахчытынан холуобунай дьыала тэрилиннэ, уорбаланааччы быһаарылынна.

Дьокуускайга 2004 с.т. эдэр киһи түөһүгэр быһаҕынан анньыллан балыыһаҕа киллэрилиннэ, уорбаланааччы быһаарылынна.

Половой көҥүлү кэһии туһунан буруй оҥоһуллубутун туһунан сайабылыанньа киирдэ.

Өрөспүүбүлүкэ киинигэр пиццерия үлэһитин «Госуслуги» уонна ФСБ сымыйа үлэһиттэрэбит диэн эрийэн, албыннаан 415 тыһыынча солкуобайтан тахса харчытын уорбуттар.

Ону таһынан Дьокуускайга итирик туруктаах тырааныспары иккистээн ыытыы, Мииринэй оройуонугар — сымыйа суоппар дастабырыанньатын туһаныы, оттон Нерюнгри куоракка контрафакт бэлиэлэрдээх табахтыыр булкаастар уонна убаҕастар былдьаннылар.

Киһи өлүүлээх суол саахала бэлиэтэммэтэ.

Үөһээ Бүлүү улууһугар «Бүлүү» федеральнай суол 657-с км 1982 с.т. суоппар итирик туруктаах «Тойота Премио» массыынанан утары суолга тахсан, «Тойота Ипсум» массыынаны кытта харсыста. Суол саахалын түмүгэр элбэх эчэйиилээх үс киһи балыыһаҕа киирдэ.

Суукка иһигэр итирик туруктаах тырааныспары ыыппыт 6 суоппар тутулунна.